Radio Argovia «90 Sekunden»: Muet - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Muet

Letschti Wuche händ mini zwöi Enkelchind ihre Muet usprobiert. Si sind ab de Stäge uf e Stubebode gumpet und sind debii immer en Tritt höcher. Do han i zu ihne gseit: «Hej ihr sind denn muetig!»

Spöter, won i weder eleige gsi bi, isch mir nomol z’Sinn cho, was ich do gseit ha. Will, ich ha nämlech ebefalls letschti Wuche, mit Chind übere Muet gredt im Zämehang mit de biblische Gschicht vom Daniel. De Daniel het, obwohl s‘ verbote gsi isch zu öpper anderem z‘bätte als zum König, trotzdem zu Gott bättet. Er het sich für Gott entschiede und de Muet gha gäge Strom z’schwimme. S’Resultat kenne Sie wahrschienlich äu, er isch i d’Löiegrueb gworfe wurde. Und det het er d’Erfahrig gmacht, dass Gott ihm bi stoht.

Do han i mir so mini Gedanke gmacht über min Muet. Klar, de Jugendbonus han i nümme zum höch ab de Schtäge z’gumpe. Das wär i mim Fall sicher nid muetig sondern eifach liechtsinnig.

Aber muetig für öpper oder öppis iischtoh, das tuet äu mit nümm ganz junge Glänk nid weh. Es brucht halt eifach e chli Muet. Und doch han ich mir vorgnoh, ich will versueche mich für öpper oder öppis stark z’mache. Bi so mene Isatz chan ich sicher äu mit Gottes Bischtand rächne.




AutorIn: Rita Amrein

Gesendet am 27. Mai 2013


Zum Detaileintrag auf www.landeskirchen-ag.ch...




Aufgeschaltet am 27. Mai 2013
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes