Radio Argovia «90 Sekunden»: Dank-, Buss- und Bettag - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Dank-, Buss- und Bettag

Händ ihr’s gmerkt? Vor ere Wuche isch Dank-, Buess- und Bätttag gsi. Das isch en eidgenössische Fiirtig und chum öpper weiss es.

Do frog ich mich, werum ächt das eso isch. Schliesslich isch jo vom Regierigsrot sogar es Bätttagsmandat usegeh worde. Und es Mandat isch en Uftrag. De Regierigsrot schriebt zwar nid speziell mir sölle bätte, aber bätte cha jo sicher nüt schade.

Wenn ich bätte, säg ich do demit, «ich ha nid alles im Griff, ich bruche Hilf vo öpperem wo meh cha und wiiter gseht als ich». Mol ehrlich, wer vo eus het scho alles im Griff. Grad drum find ich Bätttag söll för mich Alltag si.

Nur de Dank-, -Buess- und Bättag isch meh weder nur mini eigete Sorge vor Gott bringe. Denn chöne mir alli mitenand för das Danke was eus Läbesqualität git. Denn chöne mir alli mitenand bereue wo mir verseit händ. Und denn chöne mir alli mitenand bitte för all das, wo uf dere Wält passiert, wo mir ebe nid sälber im Griff händ.

De Regierigsrot schriebt do derzue, chrischtlichi Wärt bilde es solids ethisches Fundamänt imene moderne Staat. Emene Fundamänt isch mer sich i de Regel gar nid eso rächt bewusst. Es isch meischtens unschienbar, wie ebe s’Bätte. Aber wenns Fundamänt zschwach isch oder fehlt, denn grotet alles was druf isch i d‘Schieflag.

Drum hälfed doch alli mit bätte, dass mir es solids Fundamänt händ.




AutorIn: Rita Amrein

Gesendet am 23. September 2013


Zum Detaileintrag auf www.landeskirchen-ag.ch...




Aufgeschaltet am 23. September 2013
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes