Radio Argovia «90 Sekunden»: Mengisch bin ich trurig - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Mengisch bin ich trurig

Wenn i trurig bin, sehn ich mi deno, dass öber do isch, ganz nöch bi mir. Wer trurig isch und älleini, de isch einsam. Wenn i einsam bin, chunt d Angst, Angst dass niemert mi uffangt.

Mengisch muess i dra denke, was Jesus sine Jünger versproche hät, als er endgültig vo ihne gange isch. Sie sie trurig gsy und hend Angst gha. Er hät zu ihne gseit, er wird en Tröster schicke. Aber was heisst das, en Tröster?

En Tröster ist öber, de mir seit: Ich bin do. Aber länge duets ned, dass er da seit. Ich muess es fühle, muess mich vergwüssere, muess ihn spüre chönne. Wenn es Chindli gebore wird, schreits und brüellt. Wenn s Mama s chan, nimmt sies ind arme, wärmts, hebts und git ihm Nöchi. Das isch Trost: D Gwüssheit zha, dass öber do isch. Und nid eifach so do isch, sondern für mich do isch und sich mir zuewendet. Das isch de eifachsti Trost, wo Eltere ihrne Chinder chönne spende, wenn sie sich älleini fühle. De Afang vom Trost isch immer en Berührig. Oder es sind Wort: ich bin do. Wort, die bi Erwachsene an Stell vo Berührige trete.

Alli Mensche bruche Trost, mengisch. Hüfig denn, wenn öber, wo mir liebe, ned do isch oder vo uns goht. Wenn Eltere, Grosseltere, Gschwüsteri sterbe. Denn sind mir ällei. Doch es chan öbeer an ihri Stell trete. En Tröster. Alli Mensche bruche Trost und au alli chönne en Tröster si. En Tröster isch eine, wo an d Stell vomene andere tritt. De zu öberem hitritt. De seit: Ich bin do. Das chan und dörf jede, des ernst meint.

Mengisch bin ich trurig. Mengisch empfang ich Trost. Mengisch tröst ich. Beides ist tröstlich. Eifach so.




AutorIn: Tanja Manz

Gesendet am 2. September 2013


Zum Detaileintrag auf www.landeskirchen-ag.ch...




Aufgeschaltet am 2. September 2013
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes