Radio Argovia «90 Sekunden»: Biografie - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Biografie

Ich bi chürzlich anere Beärdigung gsi. Immer wieder bi Beärdigunge, wenn en Rückblick uf s’Läbe vo emene Mönsch ghalte wird, überleg ich mir: Was will ich, was einisch vo mir verzellt wird?

Was würd i Ihrer oder miner Biografie stoh, wenn mir eini würde schriibe? Wohrschiindlech sind Sie, wie di meischte vo eus, au e kei Medaillegwünneri a der Olympiade. Aber e Gwünner chamer jo i verschiedenschter Hisicht trotzdem si. Vellecht händ Sie wie ich, e Arbet, wo si würklech gärn göhnd go schaffe. Oder Sie händ e Traummaa oder en Traumfrau. Vellecht isch Ihre gross Gwünn d‘Gsundheit oder es trägends Umfäld.

Super, das alles mag ich Ihne und mir gönne!

So würde also gueti Sache us eusne Läbe i der Biografie stoh, – aber sicher au belaschtendi Pünkt wie Chranket, Trennig, Geldsorge, Arbetslosigkeit oder sosch öppis.

Warum söll bi de Beärdigung das alles verzellt wärde? Ich finde, das bringt doch niemerem öppis. Ich will mis Läbe nid rückblickend mit andere teilt ha, sondern jetzt Schöns und Schwers mit Mönsche chönne teile. Das isch för mich wichtiger als de Gwünn vonere Medaille.

Trotzdem git‘s natürlich immer wieder Situationen wo grad niemer do isch zum chönne öppis us em Läbe teile. Denn säg ich eifach, lut oder liislig es «Danke» oder es «Bitte» zu eusem Gott.

För mich isch de Glaube a Gott en Gwünn för’s Läbe und do drüber dörf mer au a miner Beärdigung no rede.




AutorIn: Rita Amrein

Gesendet am 24. Februar 2014


Zum Detaileintrag auf www.landeskirchen-ag.ch...




Aufgeschaltet am 24. Februar 2014
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes