Radio Argovia «90 Sekunden»: Ich will riich sii - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Ich will riich sii

Händ sie a der Oschtere au d‘«Schweiz am Sonntag» gläse? Det isch gschtande, dass s‘letschte Johr pro Person durchschnittlich 500 Franke Spände igange sind? Das het mi mega gfreut.

Z’Obe denn han i e Gschicht gläse, wo mich no einisch erinneret het a de Ziitigsbricht.

En Ma het en Traum gha. En Stimm het zuenem gseit: Morn Zmittag chunnt en Mönch is Dorf. Wenn er dir de Stei git woner bi sich het, denn bisch de riichscht Ma uf der Wält.

Wo de Mönch am nächschte Tag cho isch, het ihn de Ma gfrogt nach dem Stei. De Mönch het i sim Sack gwüelt und het en grosse Diamant usezoge. «Meinsch de Stei»? het er de Ma gfrogt. «De hani unterwägs gfunde, - do, chasch en ha». De Ma het de Stei gnoh und isch hei demit. Jetzt isch er de riichscht Ma gsi vo der ganze Wält.

Vor luuter Ufregig het er gar nid chönne schlofe. Und vor luuter Angscht und Sorge het er gar nümm chönne richtig schnuufe. Am nächschte Tag het er de Diamant gno und het ihn zum Mönch zrugg brocht.

«Do hesch din Stei wieder, gib mir lieber de Riichtum wo’s dir eso liecht macht so viel z‘verschänke».

Söttigi Erkenntnis wie i dere Gschicht sind nüt Neus.

Jesus het i der Bärgpredig gseit: Sammelt keine Schätze hier auf Erden. Ihr müsst damit rechnen, dass Motten und Rost sie zerfressen oder Einbrecher sie stehlen. Sammelt lieber Schätze im Himmel, denn wo dein Schatz ist, ist auch dein Herz.




AutorIn: Rita Amrein

Gesendet am 28. April 2014


Zum Detaileintrag auf www.landeskirchen-ag.ch...




Aufgeschaltet am 28. April 2014
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes