Radio Argovia «90 Sekunden»: Wer bin ich - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Wer bin ich

De dütschi Theolog Dietirich Bonhoeffer hät in sinere Haftziit es beidruckends Gedicht gschriebe. S zetnrale Thema vom Gedicht isch d Frog nach «wer bin ich». Wer bin ich vor andere Mensche und vor mir selber.

D Frog nach «Wer bin ich» stellt sich uns meistens in Situatione, die en Verunsicherig in uns uslöse. Meistens denn, wenn mir wie es Schiff vom sichere Hafe entfernt sind und uf hoher See gege d Welle kämpfe. Mir fange uns afo froge, öb die Rolle, die mir vor andere inehme uns eigentlich entspricht.

Ufem Meer sind mir ällei und en Stilli tritt ins Lebe. Oft versueche mir, de Moment vo de Stilli durch Lärm z vertriebe. Denn Stilli chan Angst mache. Viellicht genau deshalb, will mir im Moment vo de Stilli uns dra erinnere, dass mir d Frog nachem «Wer bin ich» nur schwer ällei beantworte chönne.

Viellicht macht das d Angst vor de Stilli und dr Wiite vom Meer us: Dass mir uns ällei ned griffe chöne. De Bonhoeffer umkreist in sim Gedicht die Sorg und er macht uns en Vorschlag. Die letzte Ziile in sim Gedicht lute: Wer bin ich? Einsames Fragen treibt mit mir Spott. Wer ich auch bin, Du kennst mich, Dein bin ich, o Gott! De Vorschlag isch kei Antwort. Vielmehr git sie uns en Hiiwis, wie mir möglicherwiis chönne Umgo mit unsere Angst vor der Stilli und vor uns selber.

Wer au immer mir sind, voller schöne und hässliche Gfühlt, Gott kennt uns. Und genau als die, die mir sind, ghöre mir au zu ihm. Wer an Gott glaub, dörf sich mit Vertroue ihm zuewende unden Antwort uf sini Frog wer bin ich gfunde ha. Wer ich auch bin, Du kennst mich, Dein bin ich, o Gott!




AutorIn: Tanja Manz

Gesendet am 26. Mai 2014


Zum Detaileintrag auf www.landeskirchen-ag.ch...




Aufgeschaltet am 26. Mai 2014
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes