Radio Argovia «90 Sekunden»: Gebet - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Gebet

In der vergangene Wuche han ich imene Konfirmationslager dörfe mitwirke. Ungeplant aber sehr wertvoll isch durch verschiedeni Aregig vo de Konfirmande s Thema Gebät ufcho es sind grundlegendi Frogestellige demit verbunde nachem christliche Glaube und dr Existenz vo Gott. Vieli Froge vo de Konfirmande sind gfalle, grösste Teil au inere ironische Art und Wiis wie die folgende Satzuszüg zeige.

«Sie, wenn düend mir endlich bäte, damit ich denn au beruhigt schlofe chan?»

«Sie, was bringts überhaupts z bete? Glaube Sie wirklich, dass Gott alli Aliege vomene Mensch chan erfülle?»

Anhand vo dene gschilderete Ussage sind verschiedeni Diskussione z stand cho und hend zumene Resultat gführt weli Relevanz es Gebet im Alltag chan inneh.

Öbs es religiöses Gebet oder en Tagesbuechitrag oder en unabgschickte Brief an Person X isch, de Inhalt isch vermuetlich en ähnliche. Unerfüllti Wünsch und Sehnsücht werde gschilderet sowie au die persönliche Ängst. s entscheidende isch, dass jede Mensch vermuetlich irgend en Zugang suecht mit sine unusgprochene Bedürfnis chönne umzgo. Mit dere Erklärig hät im Verlauf vo de Wuche s Gebät an sinere negative Konnotation verlore. durch de Satz vom Kierkegaard isch en mögliche Weg ufgange, wie meh s Gebet chan positiv verstoh.

«Das Gebet verändert Gott nicht, aber es verändert denjenigen, der betet.»
Sören Aabye Kierkegaard

Ich glaube, dass isch en zentrale Zuegang zum Gebet. Dass es Gebet ned Gott änderet, sondern in erste Linie mich als betende selber. Durch s Gebet rüef ich mini Wünsch, Sehnsücht, Ängst ins Bewusstsy, wo sie denoch chönne verarbeitet werde und produktiv umgsetzt werde.




AutorIn: Tanja Manz

Gesendet am 28. Juli 2014


Zum Detaileintrag auf www.landeskirchen-ag.ch...




Aufgeschaltet am 28. Juli 2014
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes