Radio Argovia «90 Sekunden»: Und liebe deinen Nächsten, wie dich selbst - Reformierte Landeskirche Aargau


Stritengässli 10 · Postfach · 5001 Aarau · Telefon 062 838 00 10 · www.ref-ag.ch · ag@ref.ch


Startseite Kontakt Login Sitemap ___________________

Und liebe deinen Nächsten, wie dich selbst

De Schriftsteller Leo Buscaglia isch als Prisrichter bi mene Wettbewerb för Chind agfrogt worde. Er het der Uftrag gha z'bewärte, wer vo dene Chind für s’beschte Mitgfüehl söll geehrt wärde.

De Gwünner vom «Mitfüehl»-Pris isch denn en 4-jährige Bueb gsi. Sin Nochber, de Bueb het em Opa Paul gseit, isch sehr truurig gsi, well er grad sini Frau verlore het. De Chlii Bueb het das gspürt und het all Morge es Bsüechli gmacht bim Truurende. Er isch dem Maa uf d’Schoss chlätteret und isch det eifach hocke blibe, ohni öppis z'mache. Wenn er denn deheim gfrogt worde isch, was er bim Nochber gmacht heig, het er zur Antwort geh: «Nüt, ich ha em Opa Paul nur e chli bim Brüele gholfe».

Scho öppenemol han ich mich schwer to mit der Ufforderig «...und liebe deinen Nächsten wie dich selbst». Es isch jo eifach wenns em Nächschte guet goht. Aber wie oft scho bin ich Mönsche i schwierige Stuatione eifach us em Wäg gange, will ich nid gwüsst ha was säge. Will ich eifach nid gwüsst ha, wien ich do chönnt hälfe. Aber eleige mis do sii, mini Aweseheit, trotz – oder grad mit miner Hilflosigkeit cha i söttige Fäll wie Medizin si.

De Paulus het gseit «weint mit denen die weinen und freut euch mit denen die sich freuen».

Und vel meh bruchts oft garn nid zum zeige, dass mir eusi Nöchschte gärn händ.




AutorIn: Rita Amrein

Gesendet am 18. August 2014


Zum Detaileintrag auf www.landeskirchen-ag.ch...




Aufgeschaltet am 18. August 2014
zurück...
Beitrag anhören  

(MP3, 90 Sekunden, 2 MB)



Beiträge als Podcast

90 Sekunden Podcast
90 Sekunden Podcast für iTunes